Amdanom Ni | Gwybodaeth am Goed â Tharddiad Lleol | Gwybodaeth Prynu | Gwybodaeth Tyfu | Cyfeirlyfr Tyfwyr | Siop | Cysylltu â Ni

Chwilio'r Safle

Yr Adran Yma

Hyfforddiant a Chyngor

Autumn Seed Collecting
© 2006 Glasu

Newyddion

Ar hyn o bryd yng Nghymru mae yna alw mawr sydd heb ei ateb am goed a llwyni brodorol wedi'u tyfu o hadau sydd wedi'u casglu yn lleol.

Mae yna alw sydd wedi hen sefydlu o du tirfeddianwyr, a hynny am eginblanhigion coed blwydd oed neu ddwy flwydd oed at amrywiaeth o ddibenion:

Gwrychoedd a lleiniau cysgodi. Plannu coetiroedd newydd. Rheoli ac ailstocio coetiroedd. Coetiroedd coridorau afonydd a rheoli erydiad ar lannau afonydd.

Mae yna farchnad sy'n tyfu hefyd am goed mwy (3+ oed) mewn potiau, at ddibenion tirlunio fel:

Plannu ar ymylon ffyrdd. Tirlunio i guddio gwaith gosod pibellau LNG. Ar gyfer arddangosfeydd/i'w llogi i arddangoswyr mewn sioeau amaethyddol/garddwriaethol ac hyd yn oed ar gyfer cefndiroedd setiau ffilmiau.

Mae sefydliadau sy'n ariannu plannu o'r fath (C.C.G.C., y Comisiwn Coedwigaeth, Asiantaeth yr Amgylchedd, Cyfarwyddiaeth Briffyrdd Ll.C.C., ac ati) wedi symud tuag at argymell defnyddio coed â tharddiad lleol fel amod ariannu.

Hefyd, mae cyfleoedd diweddar (megis Coetiroedd Gwell i Gymru a Chronfa Her Ehangu Coetiroedd Brodorol Cynllun Grantiau Coetir) wedi mynd cam ymhellach, gan ddynodi bod yn rhaid defnyddio coed â tharddiad lleol.

Ac yn olaf, wrth i strwythur ehangach taliadau amaethyddol gael ei rhesymoli, gosodir mwy o bwyslais ar fesurau amaeth-amgylchedd, gan gynnwys defnyddio stoc plannu â tharddiad lleol.

Y galw posibl am goed a llwyni brodorol â tharddiad lleol ym Mhowys, 2003-4.*

Cynlluniau	Nifer y coed a'r llwyni yn fras	Rhywogaethau nodweddiadol y mae gofyn amdanyn nhw
Adfer gwrychoedd Tir Gofal	240, 000	Y Ddraenen Wen, y Gollen, y Ddraenen Ddu, y Gelynnen
Ardaloedd Amgylcheddol Sensitif	52, 000	Yr un fath â Tir Gofal
Cynllun Grantiau Coetir (Coetiroedd Gwell i Gymru bellach)	104, 000	Y Dderwen Ddigoes, y Fedwen Arian a'r Fedwen Gyffredin. Yr Onnen, y Gollen, y Gelynnen, ac ati
Cynlluniau Afonol y Comisiwn Coedwigaeth (1993-96)	120, 000	Yr Helygen, y Wernen,
Ailstocio Menter Coedwigaeth	175, 000	Fel CGC / CGG
Cyfanswm y galw blynyddol	691, 000

*o: Astudiaeth i ymchwilio i'r galw am goed a llwyni â tharddiad lleol ym Mhowys, a'u cyflenwad, gan Evelyn Over. Comisiwn Coedwigaeth Cymru, Medi 2003.

Amdanom Ni | Rhesymau Dros y Prosiect | Nawdd a Gwariant | Partneriaid a Llywodraethiant | | Cysylltu â Ni | Gwybodaeth i Dyfwyr | Marchnadoedd Coed Brodorol | Hyfforddiant a Chyngor | Plannu Coed Brodorol er Bioamrywiaeth | Cysylltau Defnyddiol | Pethau i'w Lawrlwytho sy'n Ymwneud â Choed Brodorol | Pam Plannu Coed Brodorol | Tyfwyr Coed Brodorol ym Mhowys | Tyfwyr Coed Brodorol yng Nghymru | Tyfwyr Coed Brodorol yng ngweddill y DU | Siop Coed Brodorol